عن مشروع الخلافة
إنسان
مسلم فأسرة مسلمة ، فمجتمع مسلم فأستاذية العالم
ده حلم
البنا و الأخوان .. منتظرين المنطقة كلها تتحول للحكم السني لإعلان خلافة إسلامية واحدة
و عشان
كده عمرهم ما بصوا للبلد و بلاويها و لا هيبصوا .. نظرهم دايما متجه لبرة و استيراتيجيات
المنطقة . بيبصوا جوة بس لأهداف تقدمية
وقت
الانتخابات و الحشد و التجييش .. أعمال استقطابية في العادي لخلق ما يسمى بالإنسان
المسلم اللازم للLOOP السابقة
.. أو إنسان النهضة :D
المهم
إن هدفهم عودة مشروع الدولة الإسلامية السنية ثم التوسع .. فتوحات و ما إلى ذلك ..
امبرياليين توسعيين آخرين
الدول
الإسلامية المتعاقبة في التاريخ قامت على فكرة العصبيات .. عصبية تضعف و تظهر واحدة
أقوى منها تسقط دولة و تقوم أخرى و هكذا
و اضطهاد
الغير من الأجناس الأخرى لم يفارقها .. أمويين عباسيين مماليك عثمانلية .. كلهم
و احتكار
الثروات و الأرض و حتى العلماء و المؤلفات .. كل ده كان شرعهم لكن احنا التاريخ اللي
بيوصلنا بيخبي بلاوي
كانت
دولة دينية زيها زى دولة الكنيسة في العصور الوسطى بأوروبا لا تختلف عنها كثيرا
مفيش
حاجة اسمها دولة مدنية بمرجعية اسلامية / بلا بلا .. مجرد تحايل بالألفاظ .. فيه دولة
مدنية يعني علمانية ، و فيه دولة دينية و دولة عسكرية
فيه
علمانية كلية و علمانية جزئية ، لكن مش دي القضية .. المهم إن الدولة المدنية هى دولة
علمانية و اللي ميعرفش ده يبقى مبيفهمش فالبطيخ
دولة
الخلفاء الراشدين الوحيدة اللي ممكن لا تخضع للتصنيفات دي كلها لأنها مكانتش دولة بالمعنى
السلطوي المعهود غالبا
حتى
فكرة الشورى اللي بيحكوها فيها دلوقتي و يقولك بدلا من الديمقراطية الغربية ..دليل
آخر على إن الدولة مكانتش سلطوية بالمعنى المعروف النهاردة
المهم
إن فكرة التوسع على قفا الشعوب التانية لنصرة الدين أنا مش شايفة فيها أى نصرة للدين
!
الصهيونية
شايفة إنها شعب الله المختار .. النازية و هتلر شافوا الجنس الآري جاهز ليحكم الأرض
، و الحكم الإسلامي شاف إنه لازم يعمل غزو للشعوب
كلهم
امبرياليين توسعيين لو تخلصنا من منظورنا القومجي العقيم و فكرنا من منحى إنساني عام
.. كلهم نازيين فاشيين
فيه
هيربوميت ديانة على سطح الأرض كل منها بيقول إنها الصحيحة و غيرها غلط .. و طبعا معتنقين
كل ديانة لازم ينصروا دينهم فيالا بينا نحكم الأرض عشان احنا الدين الحق و كده ، أو احنا
الشعب المختار .. ما تسيبوا أم الشعوب تعتنق اللي هى عايزاه فحالها !
الصراعات
اللي موجودة على كوكب الأرض منذ بدء الخليقة و حتى فنائها كلها سببها الأديان أو الأديان
كانت غطاء لأطماع ثروات
و على
هذا المنوال يحيا هذا الكوكب التعيس بغباء الإنسان اللامتناهي !
اللي
عايز يفهم الشرق الأوسط كله يبص على ثورة سوريا .. هى اللي فيها الإجابة على كل حاجة
بشار
بمؤيدينه من القومجية و العلويين و المنتفعين من النظام ، و المعارضة السنية الطامعة
في الحكم و مدعومة من الوهابية و تركيا و الغرب
و الأطفال
و الناس اللي ملهاش ذنب هى اللي بتتدعك فالنص !
تركيا
تدفع لتيمين المنطقة كلها و جعلها في معسكر الغرب و للحكم السني .. مجرد ترجمة لسياسات
أمريكا
أما
مثلا لما نيجي لثورة البحرين يقولك انتفاضة شيعية طائفية ! .. ناهيك عن إن لو المعارضة
السورية وصلت للحكم هتضطهد الأقليات برضه
حلم
الخلافة بالظبط زى حلم الصهيونية العنصري بالنسبة لي .. مفيش معنى تاني لإنك عايز تحكم
الشعوب الأخرى بالعافية غير عنصريتك
عايز
تنشر الإسلام اشتغل فالدعوة ، و في المقابل اليهود و المسيحيين و غيرهم هيكون ليهم
حق الدعوة و التبشير يا عنصري !
لكن
تحكم الناس بالعافية ؟! و تقولي نكبة أندلسية ؟! هى الأندلس كانت بتاعة العرب و لا
المسلمين أساسا ؟! حق السكان الأصليين يستردوها طبعا
الإبداعات
الفنية و العلمية كان لها ألف طريقة أخرى .. الاحتكاك الحضاري مش لازمله انتزاع الحكم
! ياما تم نشر ثقافة و دين عن طريق التجارة مثلا
فيه
حاجة اسمها حرب فكرية .. اللي بيلجأ للسلاح و القوة أولا لازم يكون أضعف حجة و أهزل
فكرا
بتخيل
لما يعملوا خلافة سنية و فيه صهاينة و حكم شيعي قوي و كله عايز يتوسع و يدب فكله و
الشعوب الغلبانة هى اللي بتتهرس فالنص !
كل ده
عشان العنصرية و الفكر القومي اللي فاشخ دماغ البشرية من بداية الخليقة ! يا أن***
يا ش***** !
العقلية
التوسعية شايفة إنها تستقطب الآخر أو تحكمه غصب عنه أو تفنيه .. و ده اللي حصل عبر
التاريخ
برضه
نفس العقلية دي هى اللي عايزة تنصر فلسطين عشان فيها الأقصى و مالي عشان مسلمين و
... و ...
رغم
إن مفروض فلسطين زى شمال قبرص زي فيتنام زي أى بلد محتلة و مغتصبة أرضها و ثرواتها
.. الظلم واحد و الحق واحد
بس العنصرية
بتنصر اللي زيها بس .. باقي المظلومين مش تبعنا يبقى طظ فيهم يستاهلوا .. ممكن أصلا
نضطهدهم ده حقنا
Hey u ! ربنا لما خلق
أبيض و أسود و أصفر و أحمر و نزل ديانات كتير و خلق راجل و ست أكيد كان عارف إن كل
دول هيضطهدوا بعض و الأرض هتتملي حروب
و أكيد
عمل كل ده عشان شوية ناس عنصرية تدخل النار و الناس المظلومة تدخل الجنة .. و لو مكنش
فيه خير و شر مكنش هيبقى لوجود الأرض معنى
انت
اللي فإيدك تختار تقف في أنهي معسكر .. تفهم و لا تكون تابع و عضو مسير آخر في فكر
جمعي ..
ده إن
كنت تؤمن بوجود إله أساسا .. لو كنت لا تؤمن بوجوده فأعتقد إنك معندكش مشكلة من الأساس
في كل اللي أنا قلته
معرفش
إيه اللي دخلني في كل العك ده .. بس عموما أى حاجة هيعملها الأخوان ترجمها بإنها خطوة
في سبيل تحقيق هدف تقدمي .. مش مهم هيدوسوا مين فالطريق .. مش مهم هيرتكبوا أفعال تخالف
المبادئ و لا لأ .. المهم الوصول للهدف .
ليست هناك تعليقات:
إرسال تعليق