هرتلة مشروخة

لو حصل شرخ جواك ممكن تبعد و الحب لسه جواك مش هتقدر تقتله و لا هتقدر تقرب كل ما تقرب هتحس إن السكينة بتزود الشرخ و كل مرة ألم جديد ..

و هتفضل متعلق كده يا معلم و مفيش حاجة هتفرحك حتی لو ضحكتك .. هتحاول تهرب مكانيا و معنويا و برضه هتلاقي الحزن صاحبك مبيفارقكش كأنه أسلوب حياة

هيفضل الحزن ملازمك يا صاحبي ملوش حل و مفيش مفر منه لأنه أسلوب حياة أی حد بيحس و اتشرخ .. التعايش معاه بإنك تطلع اللي جواك بس بأسلوب قاسي

مينفعش في الحالة دي لا تطبطب علی نفسك و لا علی اللي بتتعامل معاهم و إلا هتتحول لكائن زی محمد محی كده.القسوة في التعبيرات و السلوكيات.تعايش

ادفن وشك القديم و اعتبره ما يخصكش تاني .. كون النسخة القاسية الوقحة من الانسان اللي كنته زمان و ادفن مع وشك كل أفكارك و مشاعرك المفشوخة

و بكده تكون اتحولت من مرحلة الإنسان المفشوخ وجدانيا و فكريا إلی مرحلة الإنسان الفاشخ القادر الفاجر و هو المطلوب .. و بس يا صاحبي ..